Министр азанды WhatsApp хабарламасына ауыстыру туралы айтып, ұятқа қалды

Гана мемлекетінің билігі азанға қатысты «алаңдаушылық» танытып, мұсылман жамағатын намазға шақырудың басқа балама жолын ойлап бас қатыруда. Атап айтқанда, билік өкілдері ел астанасы Аккра тұрғындарының жайлылығын ойлап, қатты дауыс пен шуды бәсеңдетуге тырысатындықтарын жеткізген.+

«Имам барлығына WhatsApp желісі арқылы хабарлама жіберсе болады ғой. Меніңше, бұл қала шуылын азайта түспек. Бұл тек жалғыз жол емес, бірақ ойланып көруге болады», – дейді Қоршаған ортаны қорғау министрі  Квабена Фримпонг-Боатенг.

Елдегі мұсылман жамағаты бұл ұсыныстардың тіпті қисынсыздығына таң қалғаны сонша, қарсы пікір айтып, қоғамдық наразылық көрсетуге де құлық танытпаған. Мешіт имамдарының бірі Усан Ахмед дауыс зорайтқыштар арқылы азан дауысын ақырындатып қоюға болатынын, бірақ түбегейлі түрде азанды өзгертіп, оны хабарлама арқылы таратудың қисынға келмейтінін айтады.

Дереккөз: muslim.kz

Post Author: admin

Пікір үстеу

Э-пошта мекенжайыңыз жарияланбайды. Міндетті өрістер * таңбаланған