Қазақ сарбаздары соғыс болып жатқан елдерге аттанатын болды

Қазақ сарбаздары соғыс болып жатқан елдерге күзде аттанатын болды, деп хабарлайды ktk.kz тілшісі

Қарулы қақтығыс өршіп тұрған Таяу Шығысқа қазақ сарбаздары күзде аттанатын болды. Бүгін тиісті құжатты қос палата депутаттары бекітіп берді. 

Оған сай Қазбаттың 120 жауынгері ұзақ жылдар бойы азамат соғысы болып жатқан Ливанға жіберіледі. Бірақ бітімгерлік батальонының сарбаздары қақтығысқа тікелей қатыспайды. Керісінше, жарты жыл бойы сонда жүріп, бейбіт келісімнің орындалуын бақыламақ. Соғыстың өршу қаупі туындағанда мән-жайды Біріккен ұлттар ұйымына баяндап отырмақ. Бұдан-бөлек елімізденн 40 офицерді үндістандық әскерилермен біріктіріп, бақылаушы ретінде Кипр, Пәкістан, батыс Сахараға жіберу жоспарда бар. Бірақ бұл миссияның мерзімдері әзірге белгісіз. Ал Ливанға тыныштық орнатуға баратын сарбаздарға жоғары жалақы төленбек.

СӘКЕН ЖАСҰЗАҚОВ, ҚР ҚОРҒАНЫС МИНИСТРІ: -Таяу шығысқа барғандарға жалақы үш есе көп төленеді.  Әрі БҰҰ-да , әскерилерге ай сайын үш жүз мың теңгеден астам ақша төлеп тұрады. Сондықтан, қызмет мерзімі аяқталып, Қазақстанға келген кезде барлық қаржылық  мәселесін шеше алады.

Post Author: admin

Пікір үстеу

Э-пошта мекенжайыңыз жарияланбайды. Міндетті өрістер * таңбаланған