700 қазақ Қытай құрсауынан құтылуы мүмкін. СІМ Қытайдағы қазақтардың тағдырын қалай шешетінін айтты

Әбдірахманов Қытайдағы қазақтардың тағдырын қалай шешетінін айтты, деп хабарлайды ktk.kz 

700-ге тарта қазақ Қытай құрсауынан құтылуы мүмкін. Ресми Бейжің олардың Қазақстанға шығуына рұқсат беру мәселесін қарастырып жатыр екен. Бұл туралы еліміздің бас дипломаты айтты. 

Қайрат Әбдірахманов, ҚР СЫРТҚЫ ІСТЕР МИНИСТРІ:

-Қазіргі таңда, Шыңжаң ұйғыр автономиясы  аймағы билігі 675 этникалық қазақ үшін Қазақстанға шығуға қойылған шектеуді алып тастау мәселесін қарастыруда. Сонымен қатар, бүгін 7-тамыздағы мәліметімізге сәйкес, Қазақстанның шетелдік мекемелерімен СІМ-не жүгінген қос азаматтығы үшін Қазақстанға шығуға уақытша шектеу қойылған 19 азаматтың 15-і босатылды. Екіжақты стратегиялық әріптестік аясында әзірге қол жеткен жетістік осы ғана.

Қайрат Әбдірахмановтың айтуынша, бұл мәселені Астанадағы Қытай елшілігімен, Алматыдағы Қытай консулдығымен күн сайын дамылсыз талқылап жатыр екен. Жағдайды толық шешу үшін әлі бірсыпыра ресми шаралар жасалуы керек. Нақты не істеу керектігін министр ашып айтпады.

Post Author: admin

Пікір үстеу

Э-пошта мекенжайыңыз жарияланбайды. Міндетті өрістер * таңбаланған